ainsi soit. Le cas sera louable grand & de
bon effect, ainsi soit il.
Presages de Septembre
EN ce mois de Septembre 1557 sera
pleine lune le 8 à 6 heures 38 minut-
tes à 18 degré 37 minuttes de Pisces,
qui tiendra depuis le premier jour jus-
ques icy de pluies & humiditez, avec
mutations de temps, inconstant, muable
par le cours Lunaire, & par le Soleil
septentrional descendant, sera froide &
seiche qui plus participera de froideur
mesmes par la pluspart du pais de Fran-
ce, mais devers le 5, 6 & 7 climat, il
aura grandes chaleurs & siccitez, & en
la mer fera plus d'inflammations par tout
le cours de ceste lune qui n'a faict par
le mois d'Aoust : & les vendenges qui
seront par ce mois, les pluies les me-
nassent jusques au dernier quartier de
la lune par aucuns aspectz de Mars à
Mercure, de Saturne à Mercure, & en
signes partie secz, partie humides, pre-
sagent la pleineur lunaire estre froide & |
fort venteuse, & faire tonnerres ecli-
stres, tourbillons, tomber gresle, & feu
du Ciel, & estre par le moien de la terre
grandement eschauffee, estre confla-
gration, edifices grandz estre frappez
du Ciel, feu du Ciel tomber en naves &
enflammer les lieux plus dangereux, &
je trouve que la mer de toute l'annee n'a
esté si navigable que de present, ne que
plus se face de maulx, pilleries qu'il se
fera en ce mois, & l'ensuivant, & mourra
quelqu'un grand, que à peine pourroit
estre plus hors de nostre climat, qui con-
traindra traffiquer de tous estatz la mer,
& seront des maladies autant dange-
reuses & longues & d'extreme affliction
qu'il ait esté long temps a [sic], & plusieurs
qui auront esté malades durant le prin-
temps & l'esté. La pluspart viendront re-
cidiver & aller jusques au solstice hie-
mal. Et là plusieurs ethiques, hidropi-
ques, jaulnisses, mauvaises couleurs
plusieurs par mauvaises eaux, longue-
ment fachez, encores ne se voudront
rendre à part, d'une partie & d'autre.
Les Francoys qui paravant cecy, & de
[e vii]
|
l'annee precedente, & de la presente ne
seront gueres suiviz, y demeureront les
delicatz, y demeureront les robustes &
de grosse complexion ne s'en sentiront
de riens. La mort de la grande esperan-
ce augmentera le cueur de l'ung & ra-
baissera l'autre.
Le dernier quartier sera le 15 à 5 heur.
à 29 degrez 24 minutes de gemini, qui
sera chault & sec avec quelques brouil-
las & autre temps, assez divers, tempestes,
pour cause d'aucuns aspectz entre bons
& mauvais la pluspart bons, faict appa-
roir le brouillas & jours de bruines à com-
mencer, & les pluies seront plus fre-
quentes qu'elles n'ont este au paravant
& par les astronomiques ymages de-
monstre le ciel durant ce mois mesmes
à son commencement, que plus par mer
que par terre & toutes esmeutes.
Par les orientaux sera commis com-
bat naval & non sans mortelle pugne,
d'une partie & d'autre y aura beaucoup
d'affaires, Dieu par sa grace preserve la
religion crucigere, & leur principal lieu
que je treuve qu'il y aura quelque ten-
tation barbare & non sans grande ef-
|
fraieur d'iceux.
Toutes les citez esloignees de mer se-
ront ceste annee en grande paix, seureté
& prospere asseurance mesmes la plus-
part de l'italie, & la barbarie combien
que quelques lieux ne seront encores
exemptz n'aucuns tumultes belliques
& les villes & citez prinses de long temps
& nouvellement par les ennemis ne fe-
ront que escogiter nouvelle embusche
& industrie à trahir les conservantz.
Les astres font apparoir que une fera
une nouvelle stratageme : mais par les
vigilances sera descouverte.
Les maladies comme encores fiebvres
continues, sinoches, flux de sang, grandes
sueurs qui pour cela les fievres ne ter-
mineront, fievres tierces quotidiennes,
ectiques, jaulnisses, hidropisies & autres
diverses maladies pernitieuses & lon-
gues que plusieurs des principaulx sei-
gneurs & grandz prelatz en seront affli-
gez & surprins : mais par doctrine Ma-
thematique feront apparoir que quel-
que fascherie de maladie qu'ilz aient
qu'il n'en mourra pas ung seul.
[e viii]
|
Dans ce dit mois les astres demonstrent
manifestement quelque Cité assiegee
prinse & restituee, & retourneront des
victoires navales des orientaulx devers
le septentrion, & non sans une supresme
resjouissance à la court de France & li-
vrees joustes & combatz, non par d'icel-
le mais par allegresse de nouveau acte
matrimonial venu à perfection & bien
faict. La nouvelle lune se[ra] le 22 à 5 heu.
conjoincte à Mercure oriental à 5 degrez
57 mi. de libra qui sera froide & seiche
avec une certe moderation & clemence
de temps, les jours seront fort attrempez
muables & changeans souvent & incon-
stant avec pluies ventz broillars & re-
fraichissement de temps, & ceste lune
faict apparoir ne passer son total cours
monstrual sans toutesfois avoir quelques
frapemens celestes tant par mer que par ter-
re, & ne sera aussi sans grand nauffraige
de fleuves & de mers & feront les pirates
prinses & delivrances de plusieurs. Ce-
luy qui eschapera fera plus de mal que
tempeste. L'advis du conseil ne sortira
|
en effect tel partira à bon temps qui a-
vant qu'il soit loing vouldroit estre à port.
Le pere dionise qui par icy sera ne sera
sans grand avancement, mais trop tard.
De l'année 1556 ne seront les leonistes
joieux. La grand humidite ne sera loua-
ble les semenses bien oportunes, les
brouillas commanceront fort a eslever,
seront grandz eclystres, tonnerres seront
antiques monumentz desnuez : jupiter &
mars constituez dans la neufiesme & par
aultres signes evidens faict aparoir que
dans ceste lune la sequence à demye &
ses oposites passées de mars & d'apvril
comprenant une partie de may qui de-
vers l'isle britannique qui est angleterre
le nouveau roy fera par marine expedi-
tion preparer quelque grande classe : qui
ne sera sans grande effraieur vibiscis & orien-
talibus : mais à cause que mars depuis le
26 de fevrier jusques à 15 de mai a e-
ste rotrograde [sic] quelque oculte & bien
secrette machination se forge, nec sine in-
sidiis Annibal. combien qu'il n'a pas dict.
portet munus diem extremum gallis : les paches
belgiques seront si avantagez que les
[f]
|
astres se font aparance nule de repos bel-
lique mais plus perverse inquietude, la
grand mer occeanne sera grandement
esmeue par classes. Le nouveau Neptune
sera en une dubieuse deliberation. L'ou-
verture sera plus grande que jamais uti-
hus [sic] pugnare pedes, le temps sera dispose telle-
ment à bonne temperature aux meridionaux
& orientaulx que la mer d'hercules sera
navigable, les maladies, le mal d'aucuns
principaulx sera dans ceste lunaire revo-
lution plus de trouble que lune n'aye
faict de long temps, on se couchera la
teste basse, & pour l'advenir levera on la
face au ciel, dieu y pourvoie. Le pre-
mier quartier de la lune sera le dernier
du moys qui sine patre esse putabatur cum pa-
tre inventus est, & sera à 5 mi. à 14 degrez
15 mi. de capricor. qui est froit & sec, a-
vec ventz & pluyes, & aucunes fulgura-
tions finissant le bon temps & pour cau-
se des erreurs de mercure, depuis le com-
mencement de l'année jusques à la fin
de ce quartier environ, presagent quel-
ques nouveaux stratagemes & subtile |
industrie quoy qu'il soit la pluspart prie
que Annibal ressuscite, ou qu'il vive
longuement icydans la grand' aula re-
gia, seront des plus grandes resjouissan-
ces, avec fainctes simultes qui souvent
long temps ha, & pr[a]esertim inter magna-
tes, Mercure degradant le faict manife-
stement aparoir, & tout cela redonde
qu'une paix, union couarde & franche
confederation, vrai est que seront plu-
sieurs qui perpetuellement aurons le
cueur ulceré, obstiné seront trestous
unanimes assailliz, infere bellum aperto
Marte, aux ennemis leur prince & tres-
tous d'un vouloir, mesmes uniz pour
mourir au lict où les personnes vaillans
mourront, la raison, Morbo obeunt timidi
strenuus ense cadat.
Le grand ravissement du regne Fran-
cois estoit aparant ceste annee, par le
faict des armes, mais on se repose pour
lors qu'il fauldroit guerroier, pour ceste
heure presente qui sont les obscures te-
nebres de Febvrier 1556. Le 5 jour où
j'ay referé par escript combien de doub-
[f ii]
|
tes ocultes adviennent qui sont manife-
stes & apparoissent advenir, qui pour
l'envie & calumnie je laisse de mettre,
Le temps de ce quartier sera fort adon-
ne à pluies & malingz temps que pour
cause de la vacation de la temporalité
sera faict empeschement, l'union des
pyrates barbares sera de craindre bien
fort & sera on contrainct de soy unir
pour les fascher dans ceste lune, & la
sequente seront faictz grandz nauffra-
ges & submersions marines, & fluviales
que tant des personnes que substances
inanimales. La mort du grand mondain
subject à Aries & parties circonvoisines
fera esvanouir les ecclesiastiques d'une
region à l'autre. Les maladies seront de
plus grand danger que n'ont esté. Dieu
vueille que cecy ne soit deffendu d'aller
le cas sera urgent & trouve mal. |
Presages d'Octobre.
EN Octobre 1557 sera la pleine lune le
7 jour à 18 heu. 44 min. à 13 degrez
51 minuttes de Aries, par un sixiesme a-
spect de Iupiter à Mercure, qui sera
chaulde & humide, & de quelque juste
moderation d'atrempance avec pluies,
& ventz, qui seront fort facheux, & les
pluyes non du tout frequentes, & par les
signes qui y sont & aspectz des planet-
tes, font apparoir la froideur, & siccite
estre en voie, & que l'hyver dans le mil-
lieu de ce mois commencera de piquer,
& la bruine commencera estre plus con-
tinuelle & plus espoisse que au paravant
& seront faictes quelques inundations
d'eaues bien grandes qui ne seront sans
nauffrages & submersions, par fleuves
& mers, les citez mesopotamies tant de
45 que de 48 leurs pontz par le revolu
de ceste annee & la sequente seront en
diverses periclitations, par les eaues &
forces d'icelles, les semences seront en
partie propres, & la pluspart empes-
chees, puis deffauldront la pluspart
[f iii]
|
des pluyes devers la fin de Decembre,
jusques environ le 15 Mars 1558 & icy
par les mers occeannes, seront presque
couvertz les navires orchades, la mer
orientalle sera de toutes pars traffiquee
& sera faict brune, tant par le cours de
la lune passee, que par le cours de la
presente devers les orientaulx, les ex-
plorateurs avoient descouvert quelque
grand nombre de voyles tendre devers le
costé austral du 5 & 6 clim[at] qui donne-
ra une extresme frayeur, & non sans grand
nombre barbare que les isles marines
des mers sicule, Adriatique, melite, cor-
sique, ligustique, & sardaigne, dans ce-
ste lune faict le ciel aparoir estre vexees
La descouverte faicte, les voiles baissees
qui l'aura descouvert, sera dict avoir les
yeulx esblouiz, puis fera comme douleur
qui subit vient & s'en va, & fera yssue en
plus mauvaise part, & la continuelle a-
gitation de la mer par la malice des ventz
fera tel empeschement que seront vais-
seaux marins submergez, periz, & par-
fondres, par l'acerbe inclemence de l'air,
sera faicte pigle des personnes de grand
|
rançon, mon oeil astronomique s'estend
jusques à l'an 1559 combien que ceste an-
nee icy appert quelque passage marin
estre estouppé par ceux qui de long
temps (ennemis à present) par le passé
ont este amis. La mort, les maladies,
les faulses & vrayes nouvelletez : les vi-
les, citez & forteresses recouvertes, les
fuitifz restituez, les perduz grandz trou-
vez, Les mortz ressuscitez, qui n'y estoit
y soit, assistera donneront plus de trou-
ble que d'empeschement : A la court, fe-
stins, joie, paix, union, auront simulte
resjoyssunce [sic]. Le dernier quartier de la
lune sera le 14 à 11 minu. à 24 degrez
43 minu. de leo par un aspect de satur-
ne oriental à la lune, qui sera chault &
sec, & peu moderé, peu durable, retour-
nant à ses naturelles qualitez de pluies,
ventz, rosees, brouillas, temps divers, fleu-
ves exuberants & submersions inundan-
tes, tellement que le temps sera facheux
& intollerable, les frequentes pluies &
autre temps assez maling, feront empes-
chement, mais la plus part de ce mois se-
ra atrempé, d'une juste moderation at-
[f iiii]
|
trempee aiant plus d'humidité & cha-
leur que de froideur & de siccité, & en
faisant les vieux fondemens seront trou-
vez les escriptz tant desirez, & de long
temps enseveliz, la pierre à son entier
en fera foi : l'esperance des sicones dom-
magera plus les sectistes qu'il ne les aug-
mentera, de la partie où l'on pretendoit
faveur, secours, aide, viendra ruine &
detriment. Le nay fera aparoir de ce qu'il
adviendra, la division sera grande, la se-
dition mortelle, la querelle inapaisee,
les meurtres seront grandz : les princi-
paulx meurtriers, le sang nager, loix e-
strangieres, profligez mis en extreme de-
sespoir, les maladies seront fort gran-
des, la mort du principal donnera bien
à penser à plusieurs. Celuy qui subite-
ment estoit monté depuis peu de temps
en ça, sera dejecte, & foullé aux piedz,
l'on prendra la raison : la clemence du se-
cond Cesar & bonte s'inclinera à toute
doulceur & amitie, mais se perturberont
seront plusieurs des maladies de l'esté
que par negligence iatrice, & par un
mauvais gouvernement tomberont les
|
uns en pasles couleurs, jaulnisses, mal
aux joinctures, hidropisies, hetiques,
flux dissenteriques, fievres quatres, & au-
tres maladies longues. Les celestes
ymages presaigent ici la mer devoir estre
fermee & innanigable [sic], mais par plu-
sieurs aller sus de vie abandonnez, se-
ront de grandz maulx, presque irrepara-
bles. Les pluies & le mauvais temps de
la fin du mois feront empeschement : la
distance de l'une n'empeschera l'autre
nullement. La nouvelle lune sera le 21
à 20 heures 29 minuttes par opposition
de Saturne à 27 degrez 52 minuttes de
libra estant à la queur du dragon qui se-
ra froide & seiche avec ventz, tourbillons
brouillatz, temps muable facheux & in-
constant, tendant à plus grande froideur
& humidite, & pour l'approchement du
Solil seront la pluspart des jours mode-
rez en chaleur, comme si c'estoit un nou-
veau printemps, mais telle clemence
d'air en attrempence sera de bien peti-
te duree, retournant & continuant en
froideur, & temps mauvais, & le jour
devant sera une fort grande mutation
[f v]
|
de temps : mais à cause que le soleil &
saturne sont oposantz de diametre.
Les cieux demonstrent durant ce mois
quelques sinistres nouvelles, qui seront
de peu d'importance : mais les bonnes
qui icy adviendront redonderont à
quelque grand & bon advenement.
Les lieux sainctz seront polluz, & tem-
ples, le vent sera propice au second dion [Dion de Syracuse]
apres la pillerie de leurs pays par le
milieu passera de la classe L'olchade
chargée sans danger.
Les citadins seront prestz abandonner
leur terre par les continuelles vexations
& les sussitez tumultes, combien que
deux principales fureurs seront passées
si est ce que ce mois est grandement à
craindre. La cite qui mieux aimera le
poison & le glaive, que recongnoistre
les divines institutions pouvoir estre
frustree, & le sera, sed timendus est annus
1557 & 1559 combien que l'on fasse pour
response firmissima converti non posse, Le sa-
cre qui sera institue par moien du grand
vicaire sera observe de point en point
depuis le 21 de ce mois ju[s]ques à la fin
|
dudit, combien que par les jours lunaires
soit faicte plus grande froideur & siccite
si est ce que pour cause que seront cinq
conjonctions, le temps sera tellement
modere & clement, & de peu de duree,
que par la mer sicule, & par la tirrhene,
seront faicts comme pugnes navalles,
mais il n'apert que entre les barbares
orientaux, & ceulx du midi, le pache
de la cite à ce que demandera sera gran-
dement irraisonnable, les langues estran-
ges n'y feront nullement contradictions
car ilz seront tous uniz.
Ie treuve quelque grand mal advenir
& quelque grand bien, car la proximité
de celui la met ici, O quel trouble, O
quel irreparable injure, nauffrage & sub-
mersion faict ici. Les maladies seront
rares : mais en petit nombre, de mes-
mes qu'auparavant, le prince qui ici se-
ra fasché sera tost detenu.
Le premier quartier de la lune sera le
30 à 16 degrez 30 minutes d'Aquarius
qui sera froid, humide, & pluvieux, &
par les situations des planettes & si-
[f vi]
|
gnes froidz & humides. Le temps sera
pluvieux avecques brouillas, ventz, &
non sans principe de gelee blanche, &
temps qui sera froid & humide, & le
froid commencera desja fort à picquer.
Le temps sera muable & inconstant, les
brouillas forts espais, les semences se-
ront en belle vueue, mais seront faictz
de haulte estime, les inundations fort
grandes, icy dans ce quartier de lune
ressemble un point, qu'en son mois op-
posite venant & passe qui est Apvril, &
May, naistre beaucoup de chenilles &
autres vermines, qui corroderont pres-
que la pluspart du cinq[u]iesme, & la moi-
tie du sixiesme climat, & que aussi l'es-
toille orientee, par devant & apres faict
apparoir d'une supresme & incredible
inflammation aux moys opposites icy
& ensuivant, tellement que je treuve
que long temps a, ne fut mois de telle
froideurs & humidite, que comprent le
mois sequent & se qui s'ensuit. Et en la
court supresme royalle, sera une tant
grande concorde & union, que jamais
eu ait este, & sera tenu propos de ne [t]e-
|
nir non plus que les autres, mais ce que
est de nature au grand, ne scauroit ja-
mais estre ne consister au plus grand.
Evasit vafer arte Sinon, mais je treuve
que la pluspart de ces tumultes seront
assopiz & amortiz : aussi je treuve icy
quelques nouvelles & estranges quali-
tez par l'occidentalité de toutes les pla-
nettes que de ses effectz, chascun n'en
sera pas trop aise ne contant, ce qui se-
ra trouvé par les derniers sera de plus
grande estimation que nul des autres.
Les ecclesiastiques qui seront delibe-
rez puisez les mers pour aller de Rome
au septiesme climat, & du septiesme al-
ler par election aux parties meridional-
les. Saturne occidental ne faict rien
apparoir icy, son aspect est jusques en
l'an 1559 ne peult aller plus loing. Le
plus petit sera le plus grand, l'esleu ne
sera pleure ne comparé. L'autre mal &
maladie ne sera tant venerable que l'on
affirmoit trouve perdu. Saturne qui de
long temps n'osoit comparoistre, sera
faulx accusé, delivré tard, prince mort.
[f vii]
|
Presages de Novembre.
EN novembre 1557 sera la pleine lu-
ne le 6 à 6 heures six minuttes apres
la teste du dragon à vingt degrez trente
trois minut. de taurus, qui sera chaude
& humide : mais quoi ? chaleur sera si
exigue que plus tiendra de froideur &
humidite, que de clemence, avec pluies
froidures, glasses, principe de neiges,
grandz brouillas, grands ventz, & septen-
trionaux, & les pluies par le devant &
pour la lune sequente sera indice de long
iver jusques presques à la moictie du
printemps, l'abondance des eaux durant
l'autonne dommagera beaucoup, com-
bien que jouxte les tables du grand Al-
bumazar & celles de Monte, les eaues
ne seront par trop grandes : mais les in-
ondations nauffraiges & submersions
feront plus de mal que les ventz, car la
lune à son plein globe sera fort rouge
de ventz, & devers le soir qu'elle appa-
roistra sera de craindre veu celle couleur
si rubiconde : que vraiement combien
que ne soions encores à l'iver, si est ce
que c'est [sic] autonne sera fort ftoit [froit] & glu- |
ant & equalement pluvieux & gelide,
& par ainsi de la durté de la terre par
moien, & du vent boreas qui aura dessei-
ché les champs humides promptement
accepte la sentence d'Homere qui sera
cause que ceulx des Iles Britanniques
& les gaules celtiques & belgiques ma-
chineront a esmouvoir quelque pristine
tumulte qui ne sera sans exigue fasche-
rie, ne voulant observer ne tenir leur pre-
miere recongnoissance, & non sans esmo-
tions d'entre eulx pour sel & vin, non sans
telle apparence de confederation, & cum
fuerint saturate murmurabunt. & c'est comme
aux occidentaulx, combien que par mer
aussi occidentale Neptune à son trident
faisoit quelque exigue manasse, Sed ors
pullato nihil minatur, par la conjonction de
jupiter & venus, amys & debonnaires
demonstre bien amplement que de-
vers la court royalle se traictera une
alliance, partie d'estrangiers, partie des
siens, qui veritablement sortant à son plain
effect s'ensuivra une juste guerre d'un grand
bien, & prions tous dieu qu'il vueille per-
mettre qu'il se puisse acomplir le 21 de ce
[f viii]
|
mois. Le dernier quart sera le 12 à 21 mi.
à 18 degrez 58 min. de Leo qui sera ung
peu chault & modere avec grandz brouil-
las & gellee matutinale non esloigne de
pluies ventz : quelques neiges, temps
muable, attrempé & inconstant, obser-
vant à cause que tous encores jusques
à la fin de l'an, les planettes sont occiden-
talles, hors mis mercure ses naturelles
qualitez seront de froidure glaciale &
humidité pluvieuse & par grandz vents
fors & insolites qui feront la mer mou-
vante, non-obstant les projectes faire
quelque assaillement pillerie & undibon-
de nauffraige, & submersion par fleuves
grandz, par la lune precedente & qui
s'ensuit, faict apparoir Neptune [c]ourrous-
sé aux grandz fleuves, de nauffraiges non
moins de personnes jeunes que d'autres
s'en gardera qui saige sera. Les maladies
seront presque assopies, seront de mal
de costez, de toux, asmatiques, colliques
distilations de reumes, commencement
de catharres, flux de ventre, la ruine des
maladies longues plus tient des patient que
des langueurs, plusieurs hetiques, hidro-
|
piques la maladie ou possible la subite
facherie de quelques uns des grandz fe-
ra quelque empeschement a la celebra-
tion festalle, mais pour cela n'empes-
chera que ne sorte à son effect. Les
cieulx uniz & accordez promectent de
grandes felicitez, & apres tous jeux &
festes, à table l'on aportera des nou-
velles du 29 de ce mois, que l'on apar-
çoivra, ce qui tant de temps l'on c'estoit
doubté, sera esvanoui celui qui conti-
nuellement assistoit & d'un mouvement
repentin fera apparoir que puis apres
ne sera veu de long temps. La tentation
barbare, l'intelligence des contrees fe-
ra ample ouverture & faillie, les coings
principaulx seront soigneusement ob-
servez, ne sera faicte lesion ne d'un co-
sté ne, d'autre. Les bons aspectz celestes
promectent ici quelque grand cas aux
meridionaulx & orientaulx. La perte
par mer tant soudaine amoindrira ses
forces, & augmentera la mort ne venir
au jour promis mal penser. La nou-
velle lune sera le 20 à 14 heures 35 mi-
nuttes à un degré 23 min. de Sagitarius,
[g]
|
qui sera froide & seiche, avec ventz,
pluies, quelques neges, brouillas : mais
les pluies seront plus frequentes : & pour
raison que seront jusques à la fin du
mois 7 conjonctions qui viendront quel-
que peu amoderer : le temps faisant ventz
austraulx, qui ameneront pluies fre-
quentes, plus que au paravant, car les
jours jusques à la fin du mois demon-
strent participer plus de humidité que
de seicheresse, combien que de tout ce-
ste lune n'apparoisse que assopiment,
& que les mers pour seur ne menassent,
que ceulx d'une partie du midi & plus,
les orientaulx, & plusieurs biens semez
seront partie degatez, en partie le temps
propre & bien accommodé, mais la plain-
cte sera des mescreans, non du tout de
foy, de scavoir, voulant commettre à la
rigueur de l'inclemence de telz elementz
quelque empeschement de concorde &
acte matrimonial: les astres demonstrent
mesmes le 16 du mois, ensemble quel-
que legation bien griefve, que l'on ne
pourra du tout accorder à ce que l'on
pretendoit. Plusieurs apparances sont
|
au ciel, mesmes la retrogradation de
Mercure sur le poinct, mais sont un tas
de bestes brutes ignorantes qui ce mes-
lent de vouloir ensuivre mon umbre, &
"Ensuivre", non pas suivre mais du latin insequor (poursuivre, harceler)
ou inseco (déchirer, pulvériser) ; une "umbre", c'est-à-dire un reflet,
un mirage, une illusion ; d'où le bide prévisible de ces libellés chimériques !
par calumnie ne cessent de mesdire sed
cum talibus ingenis luctari non est animus.
[ça ne relève pas de l'esprit de lutter contre de tels génies] :
cf. CN 42
Dient ce que leur semblera : cela princi-
pal où l'on prent la doctrine ne scauroit
entrer nullement dans leurs cerveaux
abestis, ebetez, & privez de toute con-
gnoissance Mathematique, ce sont les
ignorans qui occultement me font guer-
re. Dans ceste lune trois de ceux qui de
moy contre raison & le droict devant
les Monarques m'ont calumnié : à la fin
de l'année n'auront gueres loisir de par-
ler. Ie prie à Dieu qu'ilz puissent avoir
bonne congnoissance de moy, & chan-
geront leur mauvais propos en bien,
l'un que je congnois ne parlera jamais,
je suis desplaisant de l'inconvenient qui
luy adviendra avant le bout de l'année.
Or laissons un tas de videlas pour veaux,
qu'ilz regardent bien s'ilz ne trouve-
ront dans le revolu de ceste lune surve-
nir de grandes nouvelletez, que à les
[g ii]
|
rescripre la carte n'est assez suffisante. Et
des maladies, de reumes & catharres,
presque nombre infini, distilations, pleu-
resies, crachement de sang, mal de co-
stez, pour les splenetiques, les vieux gran-
dement pericliter, estre faictes icy plu-
sieurs grandes inondations, naufrages
& submersions, si cent ans a les jours
supresmes furent jamais mieux regiz,
gouvernez ne en plus grand' honneur
& felicité de tous les majeurs non cinq
ans a ne plus grande resjouissance en la
court du Roy, combien aussi que je trou-
ve qu'il y aura quelque petit trouble &
fascherie par la mort d'aucuns, tant en
absence que non gueres eslongnez, &
aussi par la surprinse d'aucun, es citez &
forteresses par deceptions des gardes des
heures qui sont nocturnes, mesmes sur
le premier point de lune nouvelle : aussi
seront plusieurs condamnez de secte
damnable, qui durant demi jour devant
que la lune soit nouvelle, & deux apres
& la sequente, qui assailliront les sacrez
temples, tellement qu'ilz en pilleront
le tout, la verité en fera foy, & les cieulz
|
le demonstrent en quartiers, lunes nou-
velles, & suivant, ostez l'or & l'argent
des temples de nuict, & le retirer le tout.
Le premier quartier sera le vingthuicties-
me à dixneuf minuttes à sept degrez,
cinq minuttes de Pisces qui sera froid
& sec, avec grande humidité pluvieu-
se, faisant temps qui ne sera durable
tendant à pluies, ventz, neiges, glaces,
brouillas, temps divers, & inconstant.
Ce qui se debvoit icy parachever ainsi
que l'on avoit promis & conclud, sera
differé, pour deux aspectz oposites sem-
ble ne venir en effect, l'on sera con-
trainct la mer fermée ariver, mais le
voiage marin sera differé à l'année 1558.
Les pontz apparoistront estre fort dan-
gereux. Les ungs n'y pourront aller. Les
autres d'un vouloir magnanime voul-
dront ramer, qui sera sa perte difficile
election.
Presages de Decembre.
EN decembre sera la pleine lune le 5
jour à 16 heures 59 minut. à 13 degrez
54 mi. de gemini, qui ne apert que par le
[g iii]
|
cours lunaire soit attrempée, estant en si-
gnes de feu & d'air, avoir quelque mode-
ration & clemence : mais par tous les au-
tres signes & planettes occidentales, com-
me plus facilement on peut veoir dans
nostre almanach, que aussi sont les pre-
saiges du moys, faict apparoir n'avoir
faict long temps à si extreme froideur &
humidité, toutes les planettes hors mis
saturne sont en signes de grande aquosité
de froitz ventz, pluyes, neiges, gellees,
brouillas, verglas, temps fort facheux,
& bien divers, qui contraindra plusieurs
oultre leur solite coustume, soi tenir re-
cluz & enfermez, pour la grande & acer-
be inclemence de l'air, & la grande cité
(qui plutost est un caos que unité de peu-
ple) sera vexee grandement par inonda-
tions d'eaues, & autres troubles : toutes-
fois la teste du dragon, & saturne ensem-
ble presques en semblables signes vien-
nent à moderer le temps, par supresme
siccité de glace, & par une moderation
atrempee, mais de bien peu de duree,
retournant à ses naturelles & mauvai-
ses qualitez de froit venteux, & autre in-
|
disposition de temps, & environ le 12 du
mois sera faicte une fort mauvaise &
toute estrange mutation de temps, de
meurs, de loix, d'estat, & de coustume,
aux affaires publiques, tellement que
environ ce terme, quelques bien fortes
altercations seront, entre diversité de
loix, & sera des citoyens un des plus
grandz dressé contre une commune. Le beuf
ataché au genoil souffrira, ne congnoissant
ses faultes la decoction des plus grosses
restes des pavots peu à peu se rabaissera.
La cité où jadis l'or & l'argent font par-
fondre sera ceste année avec une grande
civile sedition, & par le passé mois du
septembre, & de mars, & de l'année qui
s'ensuit, faict signification que là & en
plusieurs autres citez, certaine mutation
de la culture des dieux immortelz c'est
à dire Dieu & les sainctz, que telles ma-
chinations ne seront sans grandes & tu-
multueuse emotion par mer & par terre.
Le affaires belliques demonstrent estre
du tout enlevez & assopiz, devers les an-
tiques, ne se parlera que de joye, jeux &
nouveaux passetemps, la farouche à la
[g iiii]
|
fin s'apaisera, mais bien secrettement
unus erit omnibus fabula
[Il y en aura un qui sera la risée de tous].
Nostradamus pourrait parler de lui-même et aurait anticipé la parution
des pamphlets de 1557-1558, ainsi que le suggère Buget :
"Il seroit plaisant qu'en voulant diffamer Nostradamus, ils eussent eux-mêmes
fourni la preuve de sa clairvoyance prophétique. Unus erit omnibus fabula,
qui se trouve sur la fin des présages de 1557, semble une allusion à ces
libelles [Hercules le François, Videl, La Daguenière], qui parurent contre lui
vers la fin de l'année : car s'il ne devint pas la fable de tout le monde,
ils le représentent comme tel." (Buget, 1861, p.267)
seront des mala-
dies fort dangereuses, & en grand nom-
bre, les pleuresies feront actes pestilentz.
Les fievres qui regneront seront rares,
mais d'une subite indication, la frenai-
sie & alienation d'entendement, ensem-
ble aussi grand nombre & diversité de ca-
tharres, qui furent jamais. Dans la gran-
de Cité ne passera pas le moys present
qu'il n'y ait de nouveau un bien grand
cas, & l'entreprinse sera meschante &
desloiale, & les uns la trouveront loua-
ble, elle aura besoing à l'advenir d'une
purge universelle, mais ne advient de bien
long temps bien loing telle que jadis eut
Siracusus. les administrateurs feront
leur devoir, la lune à la queue du dragon
par un trine aspect du soleil à satur[ne] non-
comprenant la forte & subite mutation du
temps, presage à ceux dessouz Aries &
Scorpio, & Sagittarius, quelque mntation [mutation]
& grand mal. Le dernier quart de la Lu-
ne sera le 12 à 9 mi. sur le point du sol-
stice hiemal à 15 degrez 43 mi. de virgo
qu'il n'apert que du tout estre froid & sec
|
& pour quelques aspectz contraires a-
voir quelques jours muables, malings,
pluvieux, & inconstans, les brouillas se-
ront si espoix qu'à peine verra on l'un
l'autre : par plusieurs tables mathemati-
ques, à son premier jour seront bien
d'entreprinses grandes, & les unes (qui
osera diree la verité) seront reputees fri-
voles : les unes au printemps sur le jour
en effect : mais la mutation des estatz,
changements d'honneurs, & d'autres in-
dignes faictz, faictz par obscurité des
personnes, sera assopi & sans lumiere,
qui par en scavoir rien les conditions des
actes conubiaulx ne seront de reffu-
ser. Ceci appert par bons aspectz avec
manifestes apparences celestes aux igna-
res. Ceci ne peult entrer dans leurs te-
stes les effects telz qui adviendront fe-
ront ample tesmoignage de verité : vray
est qu'environ le premier jour du quar-
tier de la lune mourront par maladies
quelques ungs desja aagez, mais gran-
dement attains de la maladie longue,
les trois delicatz icy n'iront gueres
plus loing, mais hors du regne, où regne
[g v]
|
toute paix, auront concorde, union. La
lune nouvelle sera le 20 jour à 10 heu-
res, 12 minutes à 4 degrez 10 minu. de
Capricornus qui sera froide & seche a-
vec une extresme humidite glaciale, non
sans grands ventz septentrionaulx, qui
seront avec autres ventz colateraulx, de
Boreas l'occidental, & subsolanus, qui
feront une mutation de temps, toute au
tre que l'on n'eust cuidé, car les pluyes,
ventz neiges, gelees, brouillas, verglas,
& toute autre malice de temps, par ce-
cours lunaire, jusques à celle sequente
de 1558 que les humains se trouveront
grandement faschez de telle indisposi-
tion de temps, & presque toute la pre-
sente circuition sera si inconstante &
variable, que dans un mesme jour se fe-
ront plusieurs mutations de temps, le
vent Cecius regnera grandement par
toute la france, mesmes jusques à la fin
de Mars, qui fera une infinie attraction
de nuees, & de tout ce mois n'est que la
conjonction du Soleil à Iuppiter qui pro-
mectent froideur & siccité, tellement
qu'il promettoit quelque doulce cle- |
mence & moderation de temps, & ren-
dre les festes de Noel au jour sans gran-
de calefaction, mais veritablement tous
les planettes en signes froidz & humi-
des constituez, hors mis les faictz bel-
liques non du tout assopiz, si est ce que
l'on ne croit point que long temps ha,
l'on aye veu une feste de Noel, de telle
qualité & complexion.
Les maladies de reumes, & de cathar-
res, apoplexies, spasmes, paralisies, as-
matiques, pleuretiques, seront grande-
ment & fort affigez, tellement que pour
la fureur du mal, & les subites invasions,
seront en grande periclitation, or icy l'on
aportera des nouvelles au grand Roy de
bien loin assez, qui resjouiront plus la
majesté qu'il ne le rendront mellencoli-
que, grandz jeux & festins seront cele-
brez, & aussi on viendra parenté de qui
la conjuration contre certains prelatz pour
trop acerbe vexation & extorquement
pendant que l'on vacquera à insolences
veneriques, le mot du guet de la mort se-
ra descouvert, & non sans tumulte de la
republique, puis apaisement, & aussi a-
[g vi]
|
part quelques citez de potestatz, & l'au-
tre sus umbre de delivrer la cite de ser-
vitude, lui mesmes vouldra vendiquer la
satrapie, & de toutes telles factions les
apparences celestes par les grandes re-
volutions font apparoir vraiement ce
moys de repos bellique, guerre civile
mortelle. Le premier quartier de la lune
sera le 28 à 12 mi. laissant la teste du dra-
gon, à 11 d. 36 mi. de aries qui fera les fe-
stes de Noel estre un peu moderees par
la conjonction du soleil à jupiter prome-
toit quelque juste attrempance, & de bien
peu de duree, & poursuivant ses naturel-
les froideurs, & humiditez, accompaignez
de plusieurs ventz, ensemble qui seront
entremeslez les uns aux autres, aportent
neiges, verglas, gellees, brouillas, muta-
tion de temps, temps fascheux, & divers, &
seront quelques jours dans ce mois d'este
mais seront bien aisez à compter, combien
que les conjonctions des autres planettes
qui se rencontreront devers la fin du mois
presagent bien plustost bon temps que
mauvais, & les froidures & gelees estre
si fortes & fermes, mesmes devers le se-
|
ptentrion, que plusieurs des gros fleuves
gelleront tellement que l'on marchera
sus sans danger. Les pluies seront si fre-
quentes & fascheuses, qui redonderont
au moys qui vient de l'annee sequente,
qui sera fort pluvieux, par tout la fin de
ce mois je ne treuve que tout bien, par
tout le regne gaulois, & la fortune estre
si felice & prospere, que le regne doibt
augmenter par toute l'italie, mesmes les
cieux & tous les astres d'un mesme ac-
cord, lui prometent : je ne veux pas dire
Vincere scis Anibal victoria uti nescis.
[Tu sais vaincre, Annibal, mais tu ne sais pas quoi faire de la victoire ;
Tite-Live, Histoire Romaine, 22.51]
Mais affin que ne passions les limit-
tes de l'Astrologie je feray fin & prieray
au grand dieu eternel & à toute la court
celeste du ciel, qu'il nous vueille don-
ner graces que puissions passer ceste an-
née en felice prosperite, & garder la
chrestiente des mains de la rrannie [tyrannie]
barbare, que ceste année & la suivante
faict de grandes apparences des orien-
taulx, & liste de malthe que elle ne soit ni
tentée ne abandonnée, & me donner grace
que ceux qui ont essaié me callumnier
sans raison, que je puisse estre nombré
[g vii]
|
entre leurs amys & serviteurs, & ceulx
à qui la doctrine mathematique est ma-
nifestée, qu'ilz regardent bien leurs ta-
bles de revolutions antequistemes [antiquissimes ?] trou-
veront quelque cas qui die ce vent que
ce n'est rien hors des termes mais en i-
ceulx mesmes y estre, Dieu soit pour tous.
Amen.
F I N
|
* Extraict du Privilege du Roy.
PAr privillege du Roy nostre sire.
Il est permis à Iaques Kerver librai-
re juré en l'université de Paris, &
Iean Brotot imprimeur demeurant
à Lyon, faire imprimer tant de fois qu'il leur
plaira vendre & distribuer en tous lieux de ce
Royaulme, les Almanachz, Presages, & prog-
nostications de Maistre Michel de Nostredame
docteur en medecine, pour l'an mil cinq cens cin-
quante sept, & deffendu à tous autres libraires
Marchans Contreporteurs, Imprimeurs, & au-
tres de quelque estat ou qualité qu'ilz soyent de
n'en imprimer, faire imprimer, vendre, debiter,
ne distribuer en quelque maniere que ce soit, au-
tres que ceux que lesdicts Kerver & Brotot au-
ront faicts imprimer jusques à un an prochai-
nement venant, sur peine de confiscation desdits
almanachz & prognostications, & d'amende
arbitraire, & de tous despens dommaiges & in-
terest. Et oultre est ordonné par ledict seigneur
que en mettant en brief le contenu audict privi-
lege au commencement ou à la fin desdicts alma-
nachs & prognostications, sera tenu pour expres-
sement & particulierement signifié à tous, &
par ce que plusieurs libraires & autres, tant de
[g viii]
|
ceste ville de Paris que autres lieux, sont coustu-
miers contrefaire & falcifier les noms d'aultrui
en tel cas, & matieres d'almanachz. Seront
iceux almanachs & prognostications paraphés
dudit Kerver, ou Brotot, & où il en seroit trou-
vé autres seront deffendus & confisques & repu-
tés que falcifiés & contrefaicts, au grand scan-
dale dudict autheur & desdicts Kerver, &
Brotot. Et le tout sur les peines que dessus, &
d'emprisonnement des personnes qui seront trou-
vés faisant le contraire. Donné à Paris le xiii
jour d'Octobre. L'an de grace mil cinq cens cin-
quante six & de nostre regne le dixiesme.
|
