CORPUS NOSTRADAMUS 148 -- par Patrice Guinard

L'Almanach pour l'an 1560 : Hauts de page et Prédiction de Janvier
 

La version parisienne de l'almanach sauvegardée par Ruzo et mise en vente à New York en avril 2007 (cf. CN 95), accessible sur e-corpus en janvier 2010, est désormais inaccessible (mars 2018).
Pour une transcription commentée de l'épître à Claude de Savoie, on se reportera au CN 97 (juin 2008) ; pour une version PDF du texte : 1560ALM-leNoir.
L'ouvrage est court de marges, et le lecteur complètera le haut d'une douzaine de pages par mon relevé établi d'après l'exemplaire consulté :

A1v : L'An apres la creation du monde selon la vray
B4v : l'un sortira plus grande sedition, participant par
C1v : Religion Chrestienne le tout sera pacifié, l'as-
C2r : <guerre>, & dans ce quart seront dete-
C4v : que l'on sera contraint le laisser, pour estre le plus
C7v : qui redonderont à une supreme & longue <paix>
C8r : gne sera pour plus longuement, beaucop per-
D3v : faisant les supputations de la Hierarchie de l'Em-
D4r : icy moderé, mais les maladies, & les pertina-
D4v : Icy seront grans vents partie Australs, partie Se-
D5v : mes aux femmes, & plus aux vierges que ma-
D6r : & ne durera qu'un moys. Les fleurs aussi de Li-


Prediction de Ianvier 1560

  Le premier quart de la Lune precedente de l'an 1559 sera le 5 jour de ce present moys
de Ianvier, à neuf heures les prenant apres mydi au signe d'Aries, participant une partie de la
nature, qualité, clemence & inclemence du temps & de l'air, delaissant quelque peu les pluyes
frequentes & humiditez reservant encores aucunes froidures, glaces & gelees abandonnant tout mauvais
temps, tendant à quelque moderation. Saturne estant en la troisiesme soubs les rayons du Soleil
presage seicheresse, augmentant les maladies dangereuses faisant cathares, pleuresies & infinité de
reumes, Ioye, allegresse & resjouissance entre les antiques. L'asseuré ne se pourra asseurer. Les
nouvelles d'Italie ne seront pour rien esmeues : du grand aux imfimes [sic] complainctes. Les prieres
secrettes de long temps seront manifestées. Le plus prochain s'esloignera & se tiendra le plus profondement,
tout autrement sera & se fera que l'on n'avoit entreprins. L'on donra tort à la longue, & raisonnable
pertinacité. Les repos seront souesves sans souspeçons, craincte ny timidité, Iupiter donra
du poisson à foison. Et Mars tout le contraire.
  La pleine Lune sera le treziesme jour de ce moys à huict heures, quarante sept minu. de matin,
qui sera diverse de pluye & vents : mais plus tost de pluyes, neiges, glaces, verglas, bruines, &

autres diversitez de ventz, en grand repos d'esprit seront les plus grands, & les plus illustres.
L'occidendalité de Iupiter promet une tresbonne condition de toutes les choses de ce monde. Sera
descouvert celuy qui estoit envoyé, non pour mal mais pour annontiation de ce qui sera le tresbien
venu, & de long temps desiré : l'occidentalité de Mars presage seicheresse par fortes gelées. Le
port Solin de Bachus & Sol navigable. Venus & Mercure designent pluyes & humiditez, par Venus
quelque hault fait qu'en sera memoyre perpetuelle, mais Nihil ad Parmenonis suam. L'air par
[Érasme, Adages, 10 (I.I.10) : Nihil ad Parmenonis suem, "Ce n'est rien en comparaison
du pourceau de Parmenon" ; cf. Plutarque, Oeuvres mêlées, Propos de table, V.1]
brouillas sera grandement obscurcy. Icy les grandes seront saisies des mineurs, & les petitz seront
felicitez par les grandes, pendant que les festins se feront à grand tort, par envie ostez du milieu : les
conjurateurs en seront longuement fachez, ce que Mars n'a peu faire par martiale poitrine. La conspiration
fera. Le fait sera longuement ignoré, deux des accordz allumera le feu, & l'autre qui totallement
le voudra estaindre & sera privé d'icelle peine où il ne s'allumera pour lors. La Religion
Chrestienne à grandissime preparation de augment, & reduictz seront aucuns grandz pointz
envers les regions Germaniques que seront des lignes fort droictes.
  Le dernier quart de la Lune sera le 20 à 2 heures 17 minutes en Scorpio : que combien que les
jours tendent à quelque moderation si est ce que

ce dernier quart sera tresmauvais & plain de malignité glaciale, & comment plus grand froid que
n'a encores fait, car il participera de froid, glas, neiges, brouillas, pluyes, & ventz, & un temps qui
se viendra tellement à changer que l'on jugera que dans un moment le ciel & terre voudront faire
quelque subite separation. Ne sera pas retenu celuy qui passera par le milieu, combien que par
l'opinion d'aucuns non comprins, non trop lourdaux, estaindre l'anguille à la fueille du figuier.
Le temps sera tel que la loyauté sera grande. Onques ne jamais autrement ne fut, on ne trouvera
à celuy qui passera ce que sera trouvé à qui donne le passage. L'allegresse par tout ce moys &
l'ensuivant sera telle que soit esté depuis plusieurs siecles passez : mais icy presage toutes les
contrarietez de serenité. Le temple de Ianus sera fermé, & puis ouvert les ferrures & serrures : mais
sera pour d'icy quand naistra de troys testes le monstre qui bien plus long que l'on ne pense, &
de la proximité je n'en veux nullement parler ny escrire, ce que bien je pourrois faire : mais de le
manifester, tous ne le trouveroient bon. Dieu par sa grace face que Mars demeure si longuement
emprisonné qu'il fine ses jours en sa captivité.
  La nouvelle Lune sera le 27 à 55 minu. apres midy, en Aquarius, qui sera quelque peu pluvieuse,
mais bonne & de louable complexion de toutes choses, tellement que par ceste Lune apparoistra

un nouveau champ Helisien in monte ["sur le mont"], ne delaissant toutesfois ses naturelles qualitez &
conditions glaciales de longues neiges & brouillats, puis à un moment sera faicte subite permutation
de temps, lequel sera constant. Le[s] non comprins essayeront d'y estre par toutes voyes que faire ce
pourra. Dans ceste Lune apres aucuns assoupimentz de Mars, Mercure sera celuy qui avec Iupiter
captivera Mars, puis à la parfin Iupiter par le Soleil sera captivé, mais pour guieres de temps.
Mars dedans ceste Lune aura plusieurs solliciteurs & advocatz pour le delivrer de prison, mais
ilz ne feront que perdre leur temps, tant par le fait terrestre que marin. Le siecle d'or se
commencera à renouveller, mais le nombre de cinq n'y sera jusques à la parfin comprins, se repentant
que n'aura fait ce que l'occasion ne s'y presentera plus, & se trouvera destitué des Latins, puis
par le moys d'Avril sera parachevé ce que par longs ans n'a esté comprins. La fin de ce moys
sera toute semblable au commencement qui a esté de froid, sec, humide, & de temperature, hors mis
qu'il sera quelque peu plus moderé, guieres entre les dieux des gentilz celuy qui aura plus de
lieu ce sera Hymenée, & seront spargies les noix, naistra quelque cas d'estrange forme, & seront
descouvertes par inundations de tourrens par la plantation de Liber par la investigation des eaux
en lieux profonds antiques Topographies, &

verra le soleil ce que long temps a, n'avoit veu. Icy aura du ciel la couverture par la denegation
de l'urne à la fin de l'an. Mars assoupi sera cause que Mercure sera suffoqué en l'air & des autres
de ses suppots seront à trois autres du ciel. La religion Chrestienne à meilleur[e] voye. Le tout ou
la plus part sera amitigué. La Hydra de Hercules pululera à toutes les testes, les longues
aureilles murmureront.


Retour à l'index
Bibliographie
Retour Nostradamica
Accueil CURA
 

Patrice Guinard: L'Almanach pour l'an 1560 : Hauts de page et Prédiction de Janvier http://cura.free.fr/dico-a/1112alm60.html 13-12-2011 ; updated 04-10-2018 © 2011-2018 Patrice Guinard